Бусадтай хуваалцах
Арьс арчилгааны бүтээгдэхүүн сонгох үед Niacinamide, Retinol, Vitamin C, Salicylic Acid гэх мэт олон нэр сонсогддог. Харин сүүлийн үед илүү их яригдах болсон нэг орц бол Azelaic Acid.
Azelaic Acid-ийг зүгээр л “батганы эсрэг найрлага” гэж ойлгох нь дутуу юм.
Энэ орц нь батга, нүх сүв бөглөрөл, үрэвсэл, батганы дараах бор толбо болон улайлт эмзэгшлийг зэрэг арчлахад ашиглагддаг. Өөрөөр хэлбэл, арьсны нэг асуудлыг дарахаас илүүтэй асуудал үүсэхэд оролцдог хэд хэдэн механизмыг зэрэг онилдог онцгой орц юм.
Үрэвслийн эсрэг үйлчилгээ
Батга үүсэхэд нөлөөлдөг бөглөрөл үүсэх процессыг бууруулдаг
Батгатай холбоотой бактерийн өсөлтийг дарангуйлах нөлөөтэй.
Тиймээс Azelaic Acid нь зөвхөн “улаан батгыг хатаах” зориулалттай орц биш. Бөглөрөл + үрэвсэл + бактерийн орчин гэсэн батгатай холбоотой хэд хэдэн асуудалд зэрэг чиглэн ажилладаг.
Судалгааны тоймуудад 10–15%-ийн Azelaic Acid агуулсан эмчилгээний бүтээгдэхүүнүүд хөнгөнөөс дунд зэргийн батганы үед үр дүнтэй болохыг харуулсан байдаг.
Энэ бол хэрэглэгчдийн хамгийн их анзаардаггүй давуу талуудын нэг.
Батга гарлаа → арьс үрэвслээ → батга эдгэрлээ → батга алга болсон ч батганы дараах бор эсвэл улаан сорви үлддэг.
Үүнийг post-inflammatory hyperpigmentation (PIH) буюу үрэвслийн дараах нөсөөжилт гэж нэрлэдэг.
Azelaic Acid нь меланин үүсэхэд оролцдог tyrosinase ферментийн үйл ажиллагааг дарангуйлснаар илүүдэл пигмент үүсэхийг багасгахад тусалдаг.
Azelaic Acid нь үрэвслийн эсрэг үйлчилгээтэй тул улайж, үрэвссэн арьсыг тайвшруулахад тусалдаг. Ялангуяа улайлттай хамт жижиг тууралт, идээт батга гардаг papulopustular rosacea-ийн үед эмчилгээний найрлага болгон ашигладаг. Тиймээс батга, үрэвсэл, улайлт зэрэг асуудал давхар байдаг арьсанд тохиромжтой сонголт байж болно.
Та бусад солонгос гоо сайхны брэндийн ижил найрлагатай 10%, 15%, 20% гэх мэт өөр өөр концентраци бүхий бүтээгдэхүүнүүд байдаг.
Гэхдээ бүтээгдэхүүний үр дүнг зөвхөн хувиар нь харьцуулах боломжгүй. Найрлага, бүтээгдэхүүний хэлбэр, тогтворжилт, арьсанд хүрэх байдал, хэрэглээний давтамж, хүний арьсны онцлог бүгд нөлөөлнө. Azelaic Acid-ийн эмчилгээний судалгаанд 15–20%-ийн бүтээгдэхүүнүүд хамгийн их судлагдсан байдаг.
Тиймээс: 20% > 15% > 10% = илүү сайн гэж шууд дүгнэж болохгүй.
Болно. Гэхдээ бүгдийг нь нэг дор нэмэх шаардлагагүй. Арьс арчилгаанд хамгийн түгээмэл гардаг алдаа бол Илүү олон идэвхтэй орц = илүү хурдан үр дүн”гэж бодох.
Үнэндээ олон идэвхтэй бүтээгдэхүүнийг зэрэг эхлүүлбэл цочрол үүссэн үед аль бүтээгдэхүүнээс болсон нь тодорхойгүй болохоос гадна арьсны хамгаалах давхаргыг цочроох эрсдэл нэмэгдэнэ.
Azelaic Acid-ийг арьс арчилгаандаа нэмэхдээ бусад идэвхтэй орцуудын давтамжийг мөн харгалзах нь зөв.
Батга + батганы дараах толбо + улайлт зэрэг асуудал давхар байдаг бол Azelaic Acid нь анхаарч үзэх үнэ цэнтэй орцуудын нэг байж болно.
Арьс арчилгаанд хамгийн сайн орц гэдэг нь хамгийн хүчтэй орц биш.Танд хэрэгтэй асуудлыг хамгийн зөв чиглүүлж байгаа орц л хамгийн зөв сонголт юм.
Онлайнаар захиалах: Azelaic Acid 10% Ampoule
